«ԻՆԳՈ ԱՐՄԵՆԻԱ» ԱՓԲԸ հիմնադրվել է 1997թ.-ին «Էֆես» ԱՓԲԸ անվանմամբ: Նույն թվականի սեպտեմբերի 2-ին Ֆինանսների և Էկոնոմիկայի նախարարության կողմից Ընկերությունը ստացել է ոչ կյանքի ապահովագրության իրականացման լիցենզիա: Ավելի ուշ՝ 2001թ.-ին Ֆինանսների և Էկոնոմիկայի նախարարի հրամանի համաձայն Ընկերությունը իրավունք է ստացել իրականացնել նաև կյանքի ապահովագրություն, իսկ 2004թ.-ի դեկտեմբերի 28-ին ստացել է նաև կյանքի ապահովագրության լիցենզիա:

2003թ.-ի դեկտեմբերին Ընկերության բաժնետոմսերի 75%-ը ձեռք է բերվել ռուսական «Ինգոսստրախ» ԱԲԲԸ կողմից, այնուհետև դրան հետևել է Ընկերության անվանափոխումը «ԻՆԳՈ ԱՐՄԵՆԻԱ» Ապահովագրական ՓԲԸ-ի: Ներկայումս «ԻՆԳՈ ԱՐՄԵՆԻԱ» ԱՓԲԸ հանդիսանում է «ԻՆԳՈ» (Երաշխիքների և Պարտավորությունների Միջազգային Ցանց) խմբի լիարժեք անդամ, որտեղ ընդգրկված են այնպիսի հայտնի կազմակերպություններ, ինչպիսիք են «Ինգոսստրախ» (Ռուսաստան), «ՍՈՖԱԳ» (Գերմանիա), «ԻՆԳՈ ՆՈՐԴ» (Ֆինլանդիա), «ԳԱՐԱՆՏ» (Ավստրիա), «ԻՆԳՈ ՈՒԿՐԱԻՆԱ» (Ուկրաինա) ընկերությունները:

2006թ.-ին ընդառաջ գնալով երկրում իրականացվող ապահովագրական դաշտի բարեփոխումներին` Ընկերությունը հրաժարվեց կյանքի ապահովագրության լիցենզիայից` ոչ կյանքի ապահովագրության ոլորտում առավելագույնս կատարելագործվելու և ամրապնդվելու նպատակով:

Համաձայն «ԱրմԻնֆո» վարկանշային մարքեթինգային տեղեկատվական գործակալության` «ԻՆԳՈ ԱՐՄԵՆԻԱ»-ն վերջին հինգ տարիների ընթացքում զբաղեցրել է առաջատարի դիրքը` ապահովագրական ընկերությունների գործունեությունը բնութագրող հիմնական ֆինանսական ցուցանիշներով: Այսպես` 2009թ.-ին Ընկերությունը առաջատարն է ընդհանուր հավաքագրված ապահովագրավճարներով և վճարված ապահովագրական հատուցումներով, ինչպես նաև զուտ եկամտի ծավալով, որը 2009թ.-ին կազմել է ավելի քան 452 մլն ՀՀ դրամ` գերազանցելով նախորդ տարվա նույն ցուցանիշը ավելի քան 82%-ով:

Գործադիր տնօրեն - Լևոն Ալթունյան
	ՀՀ, ք.Երևան 0010, Տպագրիչների 8
	+374 10 592121
	+374 10 547506
	info@ingoarmenia.am
	www.ingoarmenia.am